Rev 2 | AAI | STEP | “Tur iti i Ephesus ekaleisia ana tounamatar isan inakirum: Iti tur i Orot daman etei seven uman ana asukwafune ebobotanen naatu ramef etei seven hai abatabat gold amaim hiwowaben hai foun bat ereremor i ana tur.

a 2.1 Rev 1.16

b 2.2 1Jn 4.1

c 2.5 Rev 3.3

d 2.7Gen 2.9; Rev 22.2, 19

e 2.9 2Cor 11.14-15; Rev 3.9

f 2.10 2Tim 4.8; Jas 1.12

g 2.11 Rev 20.14; 21.8

h 2.14Num 22.1–25.2; 31.16; 2Pet 2.15

i 2.17Exo 16.4, 14-15, 33-34; Isa 62.2; Jn 6.48-50

j 2.18 Rev 1.14-15

k 2.201Ki 16.31; 2Ki 9.22

l 2.23Psa 7.9; Jer 17.10; Rev 20.12-13

m 2.25 Rev 3.11

n 2.26Psa 2.8-9

p 2.28 Rev 22.16

Revelation of John 2

Iti Tur I Ephesus Isan

1 ^a“Tur iti i Ephesus ekaleisia ana tounamatar isan inakirum:

Iti tur i Orot daman etei seven uman ana asukwafune ebobotanen naatu ramef etei seven hai abatabatgold amaim hiwowaben hai foun bat ereremor i ana tur. 2 ^bAyu aso’ob o abistan isinaf, ayu aso’ob o yatenub wainabi bowabow fokarin men sanet ibow, ayu aso’ob o men karam boro sabuw kakafih bairi kwanikofan, naatu iyabowat tur abarayah hirouw hio, baise o ifufunih i en, naatu isusu’ubih i baifufuwenayah. 3 Ayu wabu’umaim kwa biyababan fokarih wanawanan kwarur men kwahahar kwai hamiyu’umih. 4 Baise iti i ayu au yaso’ar tur kwa isa, marasika kwabiyabuwu na’atube boun men kwabiyabuwu. 5 ^cKwa anamanin men sanet kware’ere i kwaso’ob, imih bowabow kakafihine kwanamatabir naatu marasika abistan kwasisinaf i kwanasinaf maiye. Baise kakafihine men kwanamamatabir, ayu boro isa anan a ramef hai batabat hai efanamaim anabosair. 6 Baise sawar ta’imonamo i kusisinaf gewas. Nikolas sabuw hai sinaf kakafih i o men kukokok, ayu auman men akokok.

7 ^dTain hinama’am na’at Anun Kakafiyin ekaleisia isan eo kwanowar! Sabuw iyabowat bai’akir hibisnowah ayu karam boro yawas ana ai ro’on anitih hina’aan, ai nati i God ana masaw Paradise wanawanan ebatabat.”

Tur Iti I Simena Isan

8 “Iti tur inakirum Simena ekaleisia ana tounamatar isan.

Tur iti i orot busurufinayan naatu baisawarinayan, iti orot i morob naatu misir maiye yawasin ema’am i ana tur. 9 ^eAyu kwa abai’akir, naatu a sawar en kwabi’akir i ayu aso’ob, baise anababatun kwa i sawar wairaf. Naatu sabuw hibijew moyamoy kwa isa tur kakafih hio i ayu aso’ob, nati sabuw i men Jew anababatun, nati sabuw i Satan ana kou’ay! 10 ^fBai’akir wanawanan kwanarur men kwanabir, kwananowar Demon mowan boro nabonawiy dibur nayariyi routobon nit, veya etei ten ana fofonin biyababan kwanab. Kwanabatkikin, morob na’at kwanamorob, naatu ayu boro ma’ama wanatowan ana kowas anit.

11 ^gO yait tain ema’am, abistan Anun Kakafiyin ekaleisia sabuw isah eo inanowar. Orot yait bai’akir bisnowah boro men morob bairou’abin ana biyababan nab.”

Pergamum Ana Ekaleisia Isah

12 “Iti tur inakirum Pergamum ekaleisia ana tounamatar isan.

Iti tur i orot ana kaiy wan rororon so’arin ana tur. 13 Ayu aso’ob nati bar merar o kuma’am i Demon Ana Aiwob ana urama’ama efan, baise o i turobe ayu wabu’umaim kuma’am, naatu men sawar afa’amaim a baitumatum fatumimih, nati ana veya Demon nati’imaim ma’am, imih ayu au baitumatumayan Antipas hirab morob.

14 ^hBaise sawar afa kusisinaf isan ayu men abiyasisir. Nati biyamaim i sabuw afa Balam ana bai’obaiyen hibai hima’am, Balak hi’obaiy Israel sabuw bonawiyih bay aibat isah hisisibor hi’aa bowabow kakafih sinafuyah himatar hima tibiwa’an kwanekwan.

15 Ef nati ta’imon sabuw afa nati wanawanahimaim i Nikolas ana sabuw bai’obaiyen ta’imon tibi’ufunun. 16 Isan imih bowabow kakafihine dogor kwanikitabir kwanatit, o en ayu boro’omo anan kaiy iti awau’umaim bairi aniyow.

17 ⁱO yait tain nama’am na’at Anun Kakafiyin ekaleisia isah eo nanowar! Orot yait bai’akir ebisnowah i boro wa’iwa’irin ana bay anitin, naatu kabay biyan kwes tafanamaim wabin boubun hikirum inu’in auman boro anitin, nati boro men yait ta naso’ob baise orot ebaib akisinamo.”

Taiyatira Ekaleisia Ana Tur

18 ^j“Iti tur inakirum Taiyatira ekaleisia ana tounamatar isan.

Iti Tur i God Natun biyanane enan, matan i wairafabe ebitakir, naatu an i kabay wabinbrass biyan hisafam ekukusisiaribe. 19 O abisa kusisinaf i ayu aso’ob, o a yabow, a baisnubanub, a bowabow, naatu anutanub, naatu boun abisa kusisinaf i tafan hiya’abar wan isisinaf i inatabir.

20 ^kBaise sawar ta o wanawananamaim ema’am isan ayu men abiyasisir, anayabin o babin wabin Jezebel taiyuwin God ana dinab babin rouw eo, o airi kwaikofan, ana bai’obaiyenamaim ayu au akirwairafih nawiyih ef hisa’ir hin baiwa’an kwanekwan wanawanan hirun naatu bay aibat isah hisisibor hibow te’aau. 21 Ayu i veya aitin ana bowabow kakafihine dogor baikitabir tab isan, baise i men ekokok baiwa’an kwanekwanane dogoron nikitabir. 22 Imih ayu boro biyababan ana gem tafan ana yara’ah naatu iyabowat bairi hibiwa’an boro bai’akir kakafin maiyow hinab biyah nababan. Baise iyab babin ana kakafihine hinabihir hinatitit i boro anihamiyih. 23 ^lI natunatun auman boro ana rouw hinamorob. Imaibo ekaleisia etei boro hinaso’ob ayu i orot babin dogoroh naatu hai not etei anuteteyan aso’ob, imih abisa kwasisinafumaim boro wan anay anit.

24 Baise kwa turin nati Taiyatira wanawanan kwama’am iti bai’obaiyen kakafin men kwabi’ufunun, kwa ‘Satan ana bai’obaiyen buriburih men kwaso’ob,’ imih ayu boro men bit ta anitimih. 25 ^mBaise abisa biyamaim ema’am i kwanabukikin kwanama’am ayu anan.

26 ⁿOrot yait bai’akir nisnowah naatu au kokomaim nama nasinaf nan yomanin natitit ayu boro fair anitin tafaram etei isah.

27 Naatu i boro ana fair tutufin etei nab ^{▼▼2.27iron rod} sabuw nabonawiyih,
naatu boro noukwatabe nawas fofoforen.
Tamai fair bitu na’atube boro ana fair anitin. 28 ^pAyu boro marauman Maragias anitin. ^{▼▼2.28Maragias i Jesu ana fair ana aiwob isan eo.} 29 O yait tain nama’am na’at Anun Kakafiyin Ekaleisia isah tur eo inanowar!”